SudaMediCa, The Sudanese Medical Community

استلمت لجنة اطباء السودان

شكوى رسمية من الكوادر الطبية السودانية العاملة بمستشفى السلام الايطالي..وهو مستشفى متخصص في امراض القلب

يبلغ عدد الكوادر السودانية العاملة بالمستشفى حوالي الاربعين من اطباء وسسترات وممرضين وممرضات

مفاد الشكوى كالاتي:

تعرضت الكوادر الطبية السودانية لمعاملة مهينه من ادارة مستشفى السلام, كان آخرها تفتيش كل السودانيين جسدياً فى أعقاب فقدان عاملة ايطاليه لهاتفها

النقال, ووصفها لهم بأنهم لصوص.. تطور الأمر إلى اشتراط المستشفى للمخدمين السودانيين الخضوع للتفتيش الجسدي قبل الدخول للمستشفى وقبل الخروج،

الأمر الذي رفضه الجميع ما أدى لايقافهم عن العمل وتهديدهم بالطرد يوم السبت القادم الموافق16 ابريل..

ووصف مدير المستشفى الكوادر السودانية بانهم لصوص و اغبياء فى بلد الغباء على رؤوس الأشهاد...

..............

قامت اللجنة باعداد ملف متكامل عن المستشفى الايطالي ومايتم به من تجاوزات...

واتضح ان المعاملة العنصرية التي يتلقاها العاملون هناك جزء بسيط في بحر من التجاوزات الطبية والمهنية والاخلاقية

التي تقوم بها ادارة المستشفى

وسيتم عرض هذه التجاوزات للراي العام وللمسؤولين المعنيين بالامر على اعلى المستويات .

وتوضح اللجنة للاخوة الزملاء والزميلات ان قضيتهم في ايد امينة

وان حقهم سيصل اليهم معززين مكرمين

وابدا ماهنت ياسوداننا يوما علينا لجنة أطباء السودان - سودانيزأونلاين

حسبنا الله ونعم الوكيل ..في بلدنا وننهان والله دي مصيبه ؟؟!

يعني انتو تمسكو الوردة تقولوا طعنتني الشوكة!!!!
قولوا الحمدلله المستشفى أنقذ ملايين السودانيين من المووووووووووت....
حسي بكرة يقفلوهوا وتندموا... حاجة زي دي بتتحل داخل المستشفى مافي داعي للنشر لحدي ماتصل الهيئة ولا حتة تانية
وبعدين ماهي كرامة السودانيين اتهزت في اي حتة.. باقي المستشفى يعني

دا كلام مشين من الاداره ومؤسف ................

ان يشفى الابدان ويسقم ارواحنا ؟؟؟؟؟؟؟؟؟؟؟والله اننا باقى فينا شئ من العزة التى تمنع هذا

عزة .................................. عزة في هواك................عازة نحن النبال
اها وبعدين حصل شنو يا جماعة ان شاء الله السرق الساعة اتعرف عشان نثبت بالدليل
للايطاليين اننا ناس منطقيين وانو حتى كمان دينا بحرم السرقة وعندنا ليها عقوبة كمان
وانو السرق دا ما سوداني ..... اما لو كمان بقى السارق هم لقيهو سوداني وعاوزين يفتشوا ناس مشكوك فيهم وما كل الناس واحنا زعلنا منهم وما من السارق زي ما بحصل في كتير من المواقف العاطفية بتاعتنا ..... يبقى حقوا نقعد برانا كدا على انفراد ونفكر في كلام الايطالي دا مع بعض وندرسه كلمة كلمة ونحاول نستفيد من الكلمات القالا والموقف الحصلت فيه عشان تاني ما يتكرر الموقف الما عاجبنا دا او عشان تاني ما يتكرر كلامه دا اذا كان كلامه ما عاجبنا بعد التمحيص
والله يكضب الشينة من جهة ..................... والبطن الجابتك والله ما بتندم يا اسد الخريف الفي سماك رزم من جهة اخرى

ثبت السارق سودانى وكادر صحى فقد استحق العقوبة.... ماذنب الايطاليين انو المافيا اصلها سودانى قصدى ايطالى

أسوء شي في السودانين انهم مابقدرو أنفسهم..أما حكاية إنو الأجنبي يهينا في بلدنا فثقافتنا هي اللي بتسمحلي وبقت ظاهرة منتشرة .الجرم صغير بالنسبة للتصرف الاداري..وأتمنى موضوع الاجانب ده يكون موضوع نقاش لأنوأغلبية الاجانب الموجودين ليسو إضافة للبلد بل السودان مفتوح لكل الوبؤين بالتهاب الكبد الوبائي والسل وغيروا يدخل البلد

I worked recently in this hospital ... i don't know much about this issue... all i know is the hospital is doing a great job for poor people in kindness point of view... apart from any bad behaviour they did to treat the sudanese people, because if the sudaneses peole didn't permit them to do this and more, they will not be able to describe us as A STUPID PEOPLE IN STUPID COUNTRY!.

ان شاءالله بس يطلع بفايده ...وتاخدنا الحماقه الى ابعععععععععععد الطرق فناسس انفسنا بانفسنا و م نحتاج ليهم ابدن

من يهن يسهل الهوان عليه...ما لجرح بميت ايلام
بس كمان بيني وبينكم سرقة الجوالات بقت ظاهرة متفشية في مجتمعنا..ما خف حمله وزاد ثمنه..والله انا دا ذااااتي قبل مدة اتسرق مني تلفون من البيت وبالنهااااار والناس الجونا كلهم يا جيران يا اصحاب يا اهل..بس اسوي شنو قطعتها في حشاي..عاد السترة والفضيحة متباريات...اعمل زي ناس ال
Italian job
يبقي موضوع الساعة..بس الزول البكون فتش الجماعة ديل او صاحب الفكرة بكون سوداني لانو الافكار البليدة دي حقتنا
وما تقول لي البطن الجابتك وهناي وبتاع..كادر طبي بسرق ؟ دا لا يؤتمن علي ارواح بشر..ودا ما مكان السرقة..ونحن البنجيبو لانفسنا..بس الطريقة مذلة